Կառավարությունն առաջարկում է կրճատել Նոր տարվա հանգստյան օրերի քանակը

ՀՀ կառավարության վաղվա նիստի օրակարգում «ՀՀ տոների և հիշատակի օրերի մասին» օրենքի փոփոխության հերթական նախագիծն է ներկայացված, որով կրկին առաջարկվում է կրճատել ամանորյա հանգստյան օրերի քանակը` ոչ աշխատանքային թողնելով միայն դեկտեմբերի 31-ն ու հունվարի 1-ը։ Հունվարի 2-ը, 3-ը, 4-ը, 5-ը և 7-ը առաջարկվում է դարձնել աշխատանքային օրեր, իսկ հունվարի 6-ը` Սուրբ ծնունդը, թողնել ոչ աշխատանքային։Գործադիրը նախատեսում է նախագիծն ընդունել առանց զեկուցման ու քննարկման։