ԿԳՄՍՆ-ն ակնկալում է կարծիքներ

Վերջին շրջանում աղմուկ բարձրացրած «Բարձրագույն կրթության և գիտության մասին» ՀՀ օրենքի նախագիծը հրապարակվել է Կրթության, գիտության, մշակույթի եւ սպորտի նախարարության կայքում: ԿԳՄՍ նախարարությունը նախագիծը հանրային քննարկման է ներկայացրել եւ կոչ արել բարձրագույն ուսումնական հաստատություններին, գիտական կազմակերպություններին, ակադեմիական լայն հանրության ներկայացուցիչներին եւ շահագրգիռ բոլոր անձանց ներկայացնել առաջարկություններ: Այսպիսով՝ կամբողջացվեն օրենքի նախագծի մշակման աշխատանքները:

Բոլոր ցանկացողները նախագիծն ուսումնասիրելուց հետո կարող են իրենց կարծիքները, դիտողություններն ու առաջարկությունները ներկայացնել մինչեւ սույն թվականի դեկտեմբերի 15-ը, հետեւյալ հասցեով՝ hes.law@escs.am: