Կորոնավիրուսի հետևանքով մահացել է Ավշարի բժշկական ամբուլատորիայի տնօրենը

Կորոնովիրուսից մահացել է Արարատի մարզի Ավշար գյուղի բժշկական ամբուլատորիայի տնօրեն Արուս Գևորգյանը: Մահազդը հրապարակվել է Արարատ ԲԿ-ի ֆեյսբուքյան էջում։

«Վերջինս բուժամբուլատորիան ղեկավարում էր 2020 թվականի մարտից դրանից առաջ բժշկուհի Գևորգյանը երկար տարիներ աշխատել է «Արարատի հիվանդանոց» ԲԿ-ում որպես թերապևտ, անձնվիրաբար պայքարելով մարդկանց կյանքերը փրկելու համար։

Հայտնում ենք մեր վշտակցությունը Արուս Գևորգյանի ընտանիքի անդամներին և հարազատներին»,-ասված է տարածած հաղորդագրության մեջ։