Հակառակորդը կիրառում է հրետանային միջոցներ և ԱԹՍ-ներ. ՀՀ ՊՆ-ին հայտնի է հայկական կողմի 3 վիրավորների մասին

Ադրբեջանական ԶՈՒ ստորաբաժանումները հունվարի 11-ին, ժամը 17։30-ի սահմաններում վերսկսել են կրակը հայ-ադրբեջանական սահմանի արևելյան ուղղությամբ տեղակայված հայկական դիրքերի ուղղությամբ՝ օգտագործելով նաև հրետանային միջոցներ և անօդաչու թռչող սարքեր։ Հայկական կողմը դիմել է համարժեք գործողությունների,-այս մասին տեղեկացրին ՀՀ պաշտպանության նախարարությունից՝ հավելելով, որ ժամը 18։30-ի դրությամբ փոխհրաձգությունը շարունակվում է։

«Հայկական կողմի կորուստների մասին տվյալները ճշտվում են։ Այս պահին հայտնի է երեք վիրավորի մասին։ Իրադրության զարգացումների վերաբերյալ պաշտպանության նախարարությունը պարբերաբար հանդես կգա հաղորդագրություններով»,- ասվում է հաղորդագրության մեջ։