ՀԱԿ–ը 101 թեկնածու ունի

«Հայ ազգային կոնգրես» կուսակցության ընտրացուցակը գլխավորում է ՀՀ առաջին նախագահ Լևոն Տեր-Պետրոսյանը։ Այսօր լրագրողների հետ զրույցում տեղեկությունը հայտնեց կուսակցության ներկայացուցիչ Արմեն Խաչատրյանը։

«Երկրորդ համարը կուսակցության փոխնախագահ Լևոն Զուրաբյանն է, երրորդ համարը Ինեսա Գաբայանն է՝ մեր թիմի նոր անդամներից։ Ցուցակն ամբողջությամբ կհրապարակենք այսօր»,- ասաց Խաչատրյանը` նշելով, որ ցուցակը կազմված է 101 թեկնածուից։

Խաչատրյանի խոսքով` ՀԱԿ-ը ԱԺ արտահերթ ընտրություններին կմասնակցի որպես մեկ կուսակցություն։