Համոզված եմ՝ միասին կհաղթահարենք այս ճգնաժամը․Փաշինյանը՝ քաղաքացիներին

«Ամբողջ աշխարհում կորոնավիրուսի իմացության և ճանաչելիության հետ կապված պրոբլեմ կա մենք դիլեմաների և առեղծվածների ենք հանդիպում։ Էլի ուզում եմ շեշտել՝2020 թվականի առաջին 5 ամիսների դրությամբ մենք 300-ից ավելի մահ պակաս ենք ունեցել, քան 2019 թվականին։ Բայց մենք վտանգավոր համաճարակի իրավիճակում ենք։ Ի՞նչ է կորոնավիրուսը, ինչպե՞ս պետք է կառավարել ճգնաժամը․․․ես ինքս որպես կորոնավիրուսի վարակ տարած մարդ՝ այդ դիլեմաները բոլորիս մոտ կան։ Բայց մեկ բան ակնհայտ է․հստակ գիտենք, որայդ վիրուսից խոցելի որոշակի խմբեր կան։ Նրանք քրոնիկ հիվանդություն ունեցողներն են և տարիքով մեր հայրենակիցները և մենք պետք է նրանց պաշտպանելու համար ամեն ինչ անենք»,-պարետատան նիստից հետո կայացած ճեպազրույցի ժամանակ ասաց ՀՀ վարչապետ Նիկոլ  Փաշինյանը։

«Իհարկե, աշխարհը շարունակում է հետազոտել հիվանդությունը և ես հույս ունեմ, որ մոտ ապագայում կգտնվի պատվաստանյութ, բայց մասնագետները չեն բացառում, որ հնարավոր է՝ պատվաստանյութ չգտնվի, հետևաբար, ես ծայրահեղ ճիշտ եմ համարում մեր որդեգրած ռազմավարությունը՝ սովորել ապրել կորոնավիրուսի հետ համատեղ և զուգահեռ։ Առանց բացառության՝ բոլոր երկրները, ըստ էության, նույն պրոբլեմի միջով անցնելու են, քանի դեռ պատվաստանյութ չի հայտնաբերվել։ Եվ, եթե նույնիսկ մենք ունենանք կորոնավիրուսի զրո ամենօրյա դեպք՝ այն պայմաններում, երբ աշխարհում կորոնավիրուսը ներկա է, երբ բացենք սահմանները, կորոնավիրուսը ներթափանցելու է և այդ ժամանակ մենք կարող ենք ավելի անպաշտպան լինել։ Այս մարտավարությամբ մենք ոչ միայն շանս ունենք իրավիճակն ամբողջությամբ կառավարելի պահել, այլև ավելի պատրաստված կլինենք աշնանային, ձմեռային և մյուս տարվա գարնան հնարավոր բռնկումներին։

Եվ, եթե ճիշտ ռազմավարություն ունենանք՝ աշնանը կամ գուցե ձմռանը կունենանք որոշակի իմունիտետային պարիսպ, որը մեր Հանրապետությունը վարակի նկատմամբ կդարձնի ավելի պաշտպանված։ Բոլորս հույս ունենք, որ պատվաստանյութը հնարավորինս շուտ կգտնվի, բայց որևէ մեկը նման երաշխիք տալ չի կարող։ Եվ մենք գիտենք, որ գոնե մինչև մյուս տարվա գարուն համաճարակը լինելու է մեզ հետ։ Մեր որդեգրած ռազմավարության մեջ ես ինքս համոզված եմ և այս ռազմավարությունը շարունակելու ենք այնքան, ինչքան հնարավոր լինի։ Եվ, որպեսզի հնարավոր լինի՝ կառավարությանը, ինձ անձամբ, սիրելի հայրենակիցներ հարկավոր է ձեր աջակցությունը, որը պետք է արտահայտվի պարզ կանենով՝ կրել դիմակ, ախտահանել ձեռքերը պարբերաբար և պահպանել սոցիալական հեռավորություն։ Համոզված եմ՝ միասին կհաղթահարենք այս ճգնաժամը»,-նշեց վարչապետը։