Հայաստանը սեպտեմբերի 16–ին ստանձնելու է ՀԱՊԿ նախագահությունը

Սույն թվականի սեպտեմբերի 16-ին Հայաստանը ստանձնելու է ՀԱՊԿ նախագահությունը՝ դրանից բխող բոլոր հետևանքներով, այսօր Հանրային հեռուստաընկերության լրատվական ծրագրի եթերում հայտնել է ՀՀ ԱԺ արտաքին հարցերի մշտական հանձնաժողովի նախագահ Ռուբեն Ռուբինյանը:  Նա նշել է, որ ՀԱՊԿ-ը պետք է համապատասխան արձագանք տա ստեղծված իրավիճակին: 

«Միջազգային հանրությունը պիտի համապատասխան արձագանք տա Ադրբեջանի այս՝ տարածաշրջանային կայունությունը պայթեցնել փորձող գործողություններին: Մայիսի 12-ի գործողություններից հետո գործընթաց կա ՀԱՊԿ-ում, և մենք շարունակելու ենք օգտագործել մեզ հասու գործիքակազմը: Կարծում ենք, որ ՀԱՊԿ-ը պետք է համապատասխան արձագանք տա այս իրավիճակներին, որովհետև դա ՀԱՊԿ պարտավորությունն է»: