Հայաստանի զինված ուժերում լայնամասշտաբ բարեփոխումներ են սկսվել. Նիկոլ Փաշինյան

Ապրիլի 7-ին Մոսկվա կատարելիք այցի նախօրեին ՀՀ վարչապետ Նիկոլ Փաշինյանը РИА Новости-ին տված հարցազրույցում ասել է, որ առաջնային է համարում Հայաստանի զինված ուժերը ժամանակակից զենքերով համալրելը:

«Հայաստանի Հանրապետության զինված ուժերը ժամանակակից ռազմատեխնիկական միջոցներով համալրելու գործընթացը եղել է և կլինի մեր առաջնահերթություններից մեկը, այդ հարցը միշտ կլինի ուշադրության կենտրոնում», – ասել է ՀՀ կառավարության ղեկավարը:

Նրա խոսքերով, այժմ Հայաստանի զինված ուժերում լայնամասշտաբ բարեփոխումներ են սկսվել, «որոնք նույնպես իրականացվում են մեր ռուս գործընկերների հետ սերտ համագործակցությամբ»:

«Մենք համոզված ենք, որ այս համագործակցությունը հաջողությամբ կշարունակվի, որով շատ հետաքրքրված է Հայաստանի կառավարությունը»,- ասել է վարչապետը:

Հարցազրույցում Փաշինյանն անդրադարձել է նաև հայ զինվորականների հետ հարաբերությունների հարցին և վստահեցրել է, որ դրանք կարգավորվել են, բանակը նախարարների կաբինետի հետ միասին, աշխատում է երկրի անվտանգության ամրապնդման ուղղությամբ:

«Զինված ուժերի գլխավոր շտաբի հետ կապված իրավիճակը կարգավորվել է, և բանակը, կառավարության հետ միասին, ամբողջությամբ կշարունակի երկրի անվտանգության ապահովմանն ու ամրապնդմանն ուղղված քայլերը», – ասել է Փաշինյանը:

armtimes.com

https://armtimes.com