Հայաստանի ընտրանին շոկի ենթարկեց. ՖԻՖԱ-ի անդրադարձը

Ֆուտբոլի միջազգային ֆեդերացիան անդրադարձել է Հայաստանի ազգային թիմի ԱԱ-ի որակավորման փուլում երկրորդ անընդմեջ հաղթանակին:

«Հայաստանի ընտրանին շոկի ենթարկեց խմբի ֆավորիտներին՝ երկու հաղթանակ տոնելով ԱԱ-ի որակավորման փուլի մեկնարկում», գրված է ՖԻՖԱ-ի «Թվիթեր»-ի էջում:

Աշխարհի առաջնության պաշտոնական էջն էլ ընդգծել է, որ Հայաստանի ընտրանին նոր ռեկորդ է սահմանել Մունդիալի ընտրական փուլի առաջին երկու տուրերում հաղթելու շնորհիվ:

Հայաստանի ֆուտբոլի ընտրանին, Մունդիալ-2022 ընտրական փուլի շրջանակներում Երևանում ընդունելով Իսլանդիային, առավելության է հասել 2:0 հաշվով: 

Մարտի 31-ին երրորդ տուրի շրջանակներում Հայաստանը կմրցի Ռումինիայի, Լիխտենշտեյնը՝ Իսլանդիայի և Գերմանիան՝ Հյուսիսային Մակեդոնիայի դեմ: