Հայաստանի ու Ադրբեջանի ԱԳ նախարարները վաղը կհանդիպե՞ն

Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հանդիպումը տեղի կունենա դեկտեմբերի 2-ին Շվեդիայի մայրաքաղաք Ստոկհոլմում, հաղորդում է Sputnik Ադրբեջանը` վկայակոչելով ԵՄ արտաքին քաղաքական գերատեսչության ներկայացուցիչ Լյուկ Պյեր Դևինին:Նա նշել է, որ հանդիպումը տեղի կունենա Շվեդիայում ԵԱՀԿ նախարարական համաժողովի շրջանակներում:

Նշենք, որ Հայաստանի արտգործնախարար Արարատ Միրզոյանն այսօր` դեկտեմբերի 1-ին, մեկնել է Շվեդիա։ Այցի շրջանակներում նա կմասնակցի ԵԱՀԿ արտգործնախարարների 28-րդ հանդիպմանը։Ստոկհոլմում Միրզոյանը նաև մի շարք երկկողմ հանդիպումներ կունենա։