Հայաստանում կորոնավիրուսով կրկնակի վարակման մի քանի դեպք է արձանագրվել. Արսեն Թորոսյան

Հայաստանում կորոնավիրուսով կրկնակի վարակման  դեպքեր արձանագրվել են, սակայն  դրանք լայնածավալ բնույթ չեն կրել: Ընդամենը մի քանի դեպքի մասին է խոսքը:

Պարետատան նիստից հետո տեղի ունեցած ճեպազրույցի ժամանակ  այս մասին ասացՀՀ առողջապահության նախարար Արսեն Թորոսյանը:

Կրկնակի վարակումը թե ինչի հետևանք է, այս պահին որևէ մեկը հստակ բացատրություն տալ չի կարող: Ըստ նախարարի, գիտական մակարդակի հետազոտություններ  են պետք պարզելու համար, թե  ինչով են դրանք պայմանավորված:

«Ամենայն հավանականությամբ, պայմանավորված են կոնկրետ անձանց առողջական  առանձնահատկություններով,  միգուցե բջջային մակարդակի առանձնահատկություններով:

Նման արձանագրումներ եղել  են նաև աշխարհի տարբեր երկրներում: Դա մեզ ևս մեկ առիթ է տալիս մտածելու, որ հիվանդանալ-լավանալը դեռ չի նշանաում, որ մենք չպետք  է պահպանենք հակահամաճարակային կանոնները:

Միաժամանակ դեռ անհանգստանալու  այնպիսի առիթ չկա,  որ բոլոր հիվանդսացած-լավացածները կարճ ժամանակ հետո անպայման վարակվելու են այդ հիվանդությամբ»,-ասաց Թորոսյանը: