Հայաստան է ժամանել Ֆրանսիայի խորհրդարանի պատգամավորների 15 հոգանոց պատվիրակությունը

Այսօր, ժամը 10:30-ին, Ծիծեռնակաբերդի հուշահամալիր է մեկնել  մեր երկիր այցելած Ֆրանսիայի Հանրապետության խորհրդարանական պատվիրակությունը:

Այս մասին հայտնում են ՀՀ ԱԺ հանրային կապերի բաժնից:

ԱԺ պատգամավոր Էդմոն Մարուքյանն էլ ֆեյսբուքյան իր էջում հայտնում է, որ այսօր Հայաստան է ժամանել Ֆրանսիայի խորհրդարանի պատգամավորների բազմակուսակցական 15 հոգանոց պատվիրակությունը:

Այս այցի միջոցով խորհրդարանականները ցանկանում են ահազանգել Արցախում տեղի ունեցող դրամայի մասին և վկայել Հայաստանի հետ Ֆրանսիայի հատուկ կապի մասին, որը պատմական բարեկամության պտուղ է: