Հայաստան է ուղարկվել կորոնավիրուսի դեմ չինական պատվաստանյութը

Չինաստանի կառավարության աջակցությամբ այսօր Պեկինից Հայաստան է ուղարկվել կորոնավիրուսի դեմ չինական Sinovac ընկերության CoronaVac պատվաստանյութը, որը Երևանում կլինի նախատեսված ժամկետում: Այս մասին հայտնում է ՀՀ-ում Չինաստանի դեսպան Ֆան Յոնգի «Ֆեյսբուքի» էջը:

«Ենթադրվում է, որ պատվաստանյութերի օգտագործումը դրական ազդեցություն կունենա Հայաստանում համաճարակի հաղթահարման գործընթացում: Ընկերները ճանաչվում են դժվարին պահերին և միասնական ուժերով պայքարում համաճարակի դեմ»,- նշված է հաղորդագրության մեջ։

Ավելի վաղ առողջապահության նախարարը հայտնել էր, որ խմբաքանակը ներառում է 100 հազար դեղաչափ: