Հայկ Մարտիրոսյանը պայքարից դուրս թողեց Ադրբեջանի ամենաուժեղ շախմատիստին

Հայ շախմատիստ Հայկ Մարտիրոսյանը դուրս եկավ Սոչիում անցկացվող շախմատի աշխարհի գավաթի խաղարկության 1/16 եզրափակիչ:

Հայ շախմատիստը 1/32 եզրափակչում հանդիպում էր համաշխարհային դասակարգման աղյուսակում 6-րդ տեղը զբաղեցնող ադրբեջանցի Շահրիյար Մամեդյարովի հետ: Դասական շախմատի կանոններով երկու պարտիայից հետո հաշիվը հավասար էր: Կիրակի օրը սպիտակներով հաղթել էր Հայկը, իսկ երկուշաբթի՝ Մամեդյարովը: 

Այսօր կողմերը ևս երկու պարտիա անցկացրին արագ շախմատի կանոններով: Մարտիրոսյանն առաջին պարտիայում սևերով կարողացավ փայլուն հաղթանակի հասնել Մամեդյարովի նկատմամբ, իսկ երկրորդ պարտիայում խաղալով սպիտակներով՝ կարողացավ ոչ-ոքի պարտադրել մրցակցին: Մրցամարտում հաշիվը դարձավ 3,5-0,5, և Հայկ Մարտիրոսյանը դուրս եկավ հաջորդ փուլ:

1/16 եզրափակչի պարտիաները կմեկնարկեն հուլիսի 21-ին: Հայկ Մարտիրոսյանն այդ փուլում հանդիպելու է խորվաթ Անտե Բրկիչին: