Հայտնի է, թե Բայդենը Թրամփի ո՞ր որոշումներն է չեղարկել

Միացյալ Նահանգների նորընտիր նախագահ Ջո Բայդենը մի շարք հրամանագրեր է ստորագրել, որոնցով չեղարկել է իր նախորդի առավել վիճահարույց որոշումներից մի քանիսը։

Բայդենը հրահանգել է վերսկսել Վաշինգտոնի վերադարձը կլիմայական փոփոխություններին վերաբերող Փարիզյան համաձայնագրերի կատարման գործընթացին, չեղարկել է Դոնալդ Թրամփի՝ Առողջապահության համաշխարհային կազմակերպությունից ԱՄՆ դուրս գալու մասին որոշումը։

Բայդենը նաև հրահանգել է պարտադիր դարձնել դաշնային բոլոր գերատեսչություններում պաշտպանիչ բժշկական դիմակներ կրելու պահանջը։

Ջո Բայդենը չեղարկել է Թրամփի աղմկահարույց որոշումներից մեկը, որով Իրանի, Իրաքի և Լիբիայի քաղաքացիներին արգելվել է մուտք գործել Միացյալ Նահանգների տարածք։