Հայ-ադրբեջանական սահմանի որոշ հատվածներում լարվածության դինամիկան աճողական միտում ունի. Փաշինյան

Հայաստանի Հանրապետության վարչապետի պաշտոնակատար Նիկոլ Փաշինյանն ընդգծում է, որ հայ-ադրբեջանական սահմանի որոշ հատվածներում իրադրությունը լարված է, և այդ լարվածության դինամիկան աճողական է: իկոլ Փաշինյանն այս մասին ասաց ՀՀ անվտանգության խորհրդի նիստի ընթացքում ունեցած ելույթում:

«Իրադրությունը ոչ միայն ստատիկ լարված է, այլև շարունակաբար լարվում է և մեծ հավանակնությամբ շարունակելու է լարվել: Վերջին 15 օրվա իրադարձությունների ընթացքում մեր տարածք ներթափանցած ադրբեջանական զինվորները և մեր զինվորները փոխներթափանցված վիճակում են: Եվ ինչո՞ւ է իրադրությունը լարվել. ոչ միայն այն պատճառով, որ մարդիկ արդեն 15 օր դեմ դիմաց կանգնած են, տարբեր միջադեպեր են գրանցվել և այդ լարվածությունը, ի վերջո, կարող է պայթեցնել իրավիճակը, այլև այսօրվա իրավիճակից հետո կա հավանականություն,  որ մեր զինված ուժերի ներկայացուցիչները կփորձեն նրանց գերի վերցնել, նրանք կփորձեն պատասխան քայլն անել և այսպես շարունակ»,- ասաց ՀՀ վարչապետի պաշտոնակատարը:

Նա հավելեց, որ իր գնահատականն այն է, որ իրավիճակը չհանգուցալուծելու պարագայում լայնածավալ բախում կարող է տեղի ունենալ: