ՀԱՊԿ գլխավոր քարտուղարը կայցելի Հայաստան

Դեկտեմբերի 22-24-ը Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասն աշխատանքային այցով կլինի Հայաստանում:
ՀԱՊԿ պաշտոնական կայքում նշվում է, որ նա հանդիպելու է երկրի բարձրագույն ռազմաքաղաքական ղեկավարության հետ և քննարկելու իրավիճակը ՀԱՊԿ պատասխանատվության գոտում։
Այցի ընթացքում նախատեսվում է հանդիպում ՀԱՊԿ Հավաքական անվտանգության խորհրդի նախագահ, Հայաստանի վարչապետ Նիկոլ Փաշինյանի հետ։
ՀԱՊԿ գլխավոր քարտուղարը նրան հաստատման կներկայացնի ՀԱՊԿ Հավաքական անվտանգության խորհրդի 2021 թվականի սեպտեմբերյան նստաշրջանի որոշումների կատարման և Հանրապետության նախագահության ընթացքում ՀԱՊԿ գործունեության առաջնահերթ ուղղությունների իրականացման գործողությունների ծրագրի նախագիծը։
Սպասվում է, որ Ստանիսլավ Զասը կհանդիպի նաև արտգործնախարար Արարատ Միրզոյանի, պաշտպանության նախարար Սուրեն Պապիկյանի և Անվտանգության խորհրդի քարտուղար Արմեն Գրիգորյանի հետ։