Նստակյաց կյանք․ հոդերը դառնում են ավելի կոշտ, քիչ շարժուն։ Ի՞նչ անել։ Դե, իհարկե, ֆիզիկապես ակտիվ լինել։ Մկանների ակտիվ աշխատանքն ապահովում է հոդային հեղուկի արտադրությունը, առանց դրա հոդը կորցնում է իր էլաստիկությունը։ Ցավից խուսափելու համար կարևոր է յուրաքանչյուր 45 րոպեն մեկ դադար վերցնել և գոնե նվազագույն վարժանքներ կատարել։
Գաջեթներ․ մեկ ձեռքով հաղորդագրություններ գրելու արդյունքում գերբեռնվածություն է առաջանում։ Ի՞նչ անել․ գրել երկու ձեռքով և օգտագործել աքսեսուարներ, որոնք նվազեցնում են դաստակների ծանրաբեռնվածությունը, օրինակ՝ լայն օղակ կամ սմարթֆոնի հետևի մասում ամրացված ժապավեն։
Ավելորդ քաշ․ հոդերը հարմարեցված չեն չափազանց ծանրաբեռնվածությանը։ Ճնշման հետևանքով կարող են առաջանալ աճառի վնասվածքներ։
Ինչ անել․ հասկանալի է՝ պետք է նիհարել։ Քաշի նվազեցումը ընդամենը 10%-ով կարող է խոշոր հոդերում ցավը նվազեցնել ավելի քան 50%-ով։
Վտանգավոր սեքս․ որոշ վիրուսներ ու վարակներ, այդ թվում սեռական ճանապարհով փոխանցվողները, կարող են առաջացնել արթրիտ։ Հատկապես վտանգավոր են գոնորեան և խլամիդիան։ Ի՞նչ անել․ ունենալ մեկ զուգընկեր և հավատարիմ մնալ։
Սիրելի բարձրակրունկներ (և բալետկաներ)․ խախտում են քայլվածքը, ազդում կեցվածքի վրա և կարող են առաջացնել հոդացավ։ Ի՞նչ անել․ բարձրակրունկ կրել ոչ ավելի, քան 1,5–2 ժամ օրական։ Ավելի լավ է հրաժարվել վտանգավոր կոշիկներից՝ նախընտրելով 3–4 սմ կրունկով կոշիկները։ Իսկ, եթե հոդերը արդեն ցավում են՝ անմիջապես պետք է դիմել բժշկի․ «Որքան շուտ սկսվի կանխարգելումը կամ բուժումը, այնքան երկար հոդերը կծառայեն առանց ցավի»։