ՀՀ վաչապետ Նիկոլ Փաշինյանը հայտնվել է Facebook-ում ամենաակտիվ քաղաքական առաջնորդների տասնյակում

«Twiplomacy» միջազգային կայքը հրապարակել է «Աշխարհի առաջնորդները «Ֆեյսբուք»-ում» վերտառությամբ հոդվածը: Հոդվածում ներկայացված է նաև սոցցանցում ամենաակտիվ քաղաքական առաջնորդների տասնյակը, որում տեղ է գտել նաև ՀՀ վարչապետ Նիկոլ Փաշինյանը:

Ամենաակտիվ ֆեյսբուքյան էջ ունեցող առաջնորդների ցուցակը գլխավորում է Բրազիլիայի նախագահ Ժաիր Բոլսոնարուն, երկրորդ տեղում ԱՄՆ նախագահ Դոնալդ Թրամփն է, նրան էլ հաջորդում են Հնդկաստանի վարչապետ Նարենդրա Մոդին, Պակիստանի վարչապետ Իմրան Խանը, Ինդոնեզիայի նախագահ Ջոկո Վիդոդոն, Մեքսիկայի նախագահ Անդրես Մանուել Լոպես Օբրադորը, ԱՄՆ Սպիտակ տան ֆեյսբուքյան էջը, Կամբոջայի վարչապետ Սամդեխ Հուն Սենը, Կոլումբիայի նախագահ Իվան Դուկե Մարկեսը և ՀՀ վարչապետ Նիկոլ Փաշինյանը:

Այս ցանկը կազմվել է՝ ֆեյսբուքյան էջում փոխգործակցությունների ակտիվության ցուցանիշը բաժանելով հրապարկումների թվին ու էջի հավանումների միջին քանակին:  

Նիկոլ Փաշինյանի էջի հրապարակումներին արձագանքների (հավանություն, մեկնաբանություն) քանակը կազմել է 14 521 261, փոխգործակցության մակարդակը՝ 4,66%: