Հնդկաստանում մահացու Nipah վիրուսի բռնկում է գրանցվել

Հնդկաստանի Կերալա նահանգում 11 մարդու մոտ ախտորոշվել է Nipah վիրուս: Այս մասին հայտարարել է Վինա տարածաշրջանի առողջապահության պատասխանատուն NDTV հեռուստաալիքի եթերում: Պաշտոնյայի խոսքերով՝ նախօրեին 12-ամյա տղա է մահացել Nipah-ից:

Nipah վիրուսը մահացության ամենաբարձր ցուցանիշ ունեցող հիվանդություններից է: Պատվաստանյութեր չկան,  հիվանդների 70%-ը մահանում է: Առաջին անգամ այն գրանցվել է 1999 թվականին Մալայզիայում: Հիվանդության ախտանիշներն են՝ ջերմություն, գլխացավ, քնկոտություն, շնչառական խնդիրներ, ապակողմնորոշում: Մեկ-երկու օր անց հիվանդը կոմայի մեջ է ընկնում: Վիրուսի բնական կրողները  չղջիկներն են, որոնք սնվում են պտուղներով:

Հիշեցնենք, որ անցյալ տարվա դեկտեմբերին Հնդկաստանում Nipah-ից  մահվան դեպք գրանցվեց, և Առողջապահության համաշխարհային կազմակերպությունը հայտարարեց այս վիրուսի համաճարակի հավանականության մասին: