Հնդկաստան անհայտ հիվանդության բռնկում է

Առողջապահության համաշխարհային կազմակերպության (ԱՀԿ) երկու փորձագետներ ժամանել են Հնդկաստանի Էլուրու քաղաք, որտեղ, ըստ վերջին տվյալների, անհայտ հիվանդությունից տուժել Է 593 մարդ։

Անհայտ հիվանդության բռնկումը Էլուրու քաղաքում եւ նրա արվարձաններում սկսվել Է անցած կիրակի օրը:

Հիվանդության ախտանշաններն են՝ ընկնավորության նոպաները՝ երեքից հինգ րոպե տեւողությամբ, հիշողության կորուստը՝ մի քանի րոպե տեւողությամբ, հանկարծակի ուշաթափությունները, գլխացավը եւ ցավը մեջքի շրջանում: Ավելի վաղ հաղորդվել Էր, որ հիվանդության պատճառները պարզելու համար քաղաք Էին ուղարկվել բժիշկների բրիգադներ՝ Սննդի ազգային ինստիտուտից, Քիմիական տեխնոլոգիայի ինստիտուտից եւ Բժշկական գիտությունների համահնդկական ինստիտուտից:

Մասնագետները թեստավորում են հիվանդների արյան, մեզի նմուշները, ինչպես նաեւ ուսումնասիրում սննդամթերքը եւ ջրի նմուշները: Ավելի վաղ Անդհրա-Փրադեշի նահանգի գլխավոր նախարարի գրասենյակը հաղորդել Էր, որ առեղծվածային հիվանդության պատճառ կարող Էր դառնալ կապարով եւ նիկելով թունավորումը, որոնց հետքերը գտել են ջրի եւ կաթի մեջ: