Հռոմի նոր Պապն ամեն շաբաթ թենիս է խաղում.նա կրքոտ թենիսիստ է։ Լևոն 14_րդը թենիս խաղում է մանկուց։ «Մեկ ամիս առաջ ես տեսա Պապին այստեղ՝ խաղի ժամանակ»,_BILD-ին պատմել է միանձնուհի Անդրես Ֆելիպե Ռոմերոն։ «Այստեղը»՝ դա Հռոմում գտնվող հայտնի այգիներից մեկի թենիսի դաշտն է՝ ընդամենը մի քանի քայլ հեռու Սուրբ Պետրոսի հրապարակից։ «Եղբայր Բոբը», ինչպես աոգոստինյանները կոչում էին Լևոն XIV-ին (այն ժամանակ՝ կարդինալ Ռոբերտ Ֆրենսիս Պրևո), յուրաքանչյուր կիրակի առավոտ իր փոքրիկ մեքենայով գալիս էր վանք՝ թենիս խաղալու համար։ «Ռոբերտը խաղում էր իր քարտուղարի հետ։ Խաղից հետո մենք զբոսնում էինք կարդինալի հետ կամ պարզապես նստում էինք, վայելում բնությունը և մի փոքր զրուցում», — հիշում է Ռոմերոն։ Վատիկանում նույնպես թենիսի դաշտ կա։ Ստանդարտ արհեստական ծածկույթի փոխարեն այնտեղ, ինչպես Ռոլան Գարոսում, խաղում են մանրացված աղյուսից կազմված կարմիր դաշտի վրա։ Այդ ծածկույթը թույլ չի տալիս այնպես արագ շարժվել, ինչպես արհեստականը, սակայն ավելի լավ է պաշտպանում խաղացողներին։ 1970-ականներին թենիսը շատ հայտնի է եղել Վատիկանում։ The New York Times-ի փոխանցմամբ այդ ժամանակ բոլորը բոլորի հետ էին խաղում՝ կարդինալները շվեյցարական պահակախմբի հետ, դիվանագետները՝ վարչակազմի սովորական աշխատողների հետ։ Պարբերաբար անցկացվում էին մրցաշարեր։ Ըստ հրապարակման՝ վերջին տարիներին Վատիկանում թենիսի դերը նվազել է։ Նույնիսկ պահակախմբից ոչ ոք այլևս չի խաղում։ Բայց հիմա դա կարող է փոխվել։ Ցավոք, Պապը սկզբում պիտի ջանք գործադրի՝ մարզման համար մրցակից գտնելու։