Հրդեհներից Թուրքիային պատճառված վնասի չափը նախնական տվյալով՝ ավելի քան 35 մլրդ դոլար է

Թուրքիայում մոլեգնող անտառային հրդեհները հսկայական ֆինանսական կորուստներ են պատճառել երկրին: Նախնական հաշվարկով՝ անտառային հրդեհների հասցրած վնասը գերազանցում է ավելի քան 35 մլրդ դոլարը: Թուրքիայի 31 նահանգում բռնկված 130 զանգվածային հրդեհներն ամենախոշորն են այդ երկրի պատմության մեջ: Թուրքիայում լայնածավալ անտառային հրդեհների բռնկումից հետո սոցցանցերում տարածված HelpTurkey հեշթեգով հրապարակումների դեմ հետաքննություն է սկսվել։ Անկարայի գլխավոր հանրապետական դատախազությունը հայտարարել է, որ նշված հրապարակումների հեղինակների նկատմամբ հետաքննություն կիրականացվի։ Դատախազությունը նշել է, որ որոշ անձինք ու խմբեր իրենց իրական կամ կեղծ օգտահաշիվների օգնությամբ փորձում են հանրության մեջ մտահոգություններ ու տագնապ սերմանել ու ստորացնել Թուրքիայի Հանրապետությունն ու նրա կառավարությունը։