Ձերբակալվել են 2 զինծառայողներ, որոնք հրաժարվել են արձակուրդից հետո վերադառնալ ծառայության վայրեր. ՔԿ

Ձերբակալվել են զինվորական ծառայության առանձին պարտականությունները կատարելուց հրաժարված ժամկետային զինծառայողներ:

Այս մասին հայտնում են ՀՀ քննչական կոմիտեից՝ նշելով.

ՀՀ տարբեր զորամասերի ժամկետային զինծառայողներ՝ շարքայիններ Հ. Ո.-ն և Վ. Վ.-ն, իրենց տրամադրված հերթական արձակուրդի ժամկետը լրանալուց հետո հայտարարել են, որ չեն ցանկանում վերադառնալ ծառայության վայրեր և հրաժարվել են զինվորական ծառայության առանձին պարտականությունները կատարելուց, որը զուգորդվել է դրանց չկատարմամբ:

Դեպքի առթիվ հարուցված քրեական գործի նախաքննության ընթացքում՝ 2021թ. հոկտեմբերի 1-ին, Հ. Ո.-ն և Վ. Վ.-ն ՀՀ քրեական օրենսգրքի 364-րդ հոդվածի 1-ին մասով նախատեսված հանցավոր արարք կատարելու կասկածանքով ձերբակալվել են:

Քրեական գործի նախաքննությունը շարունակվում է: