Մալխաս Ամոյանը հաղթեց ադրբեջանցուն և դուրս եկավ կիսաեզրափակիչ

Բուդապեշտում ընթացող հունահռոմեական ոճի ըմբշամարտի Եվրոպայի առաջնության ժամանակ հայ ըմբիշները շարունակում են փայլուն ելույթներ ունենալ։ Առաջնության կայքից տեղեկանում ենք, որ 77 կգ քաշային կարգում Հայաստանը ներկայացնող Մալխաս Ամոյանը 6:5 հաշվով հաղթեց ադրբեջանցի ըմբիշ Սանան Սուլեյմանովին` դուրս գալով կիսաեզրափակիչ:Իսկ ահա 63 կգ քաշայինների քառորդ եզրափակիչում Հրաչյա Պողոսյանը 9։0 հաշվով հաղթանակ տարավ Լատվիայի ներկայացուցիչ Ալեքսանդր Յուրկյանսիի նկատմամբ և դուրս եկավ կիսաեզրափակիչ:

55 կգ քաշային Ռուդիկ Մկրտչյանը քառորդ եզրափակիչում 0:5 հաշվով պարտվելուց հետո 6:5 հաշվով հաղթեց Ուրկրաինան ներկայացնող մեր հայրենակից Կորյուն Սահրադյանին։ Ռուդիկ Մկրտչյանը նույնպես դուրս եկավ կիսաեզրափակիչ:Նշենք, որ հունահռոմեական ոճի ըմբշամարտի Եվրոպայի առաջնությունը Հունգարիայի մայրաքաղաքում մեկնարկել է ապրիլի 1-ին: