Մասաչուսեթսի համալսարանի հայազգի պրոֆեսորը՝ տարվա անհատ

Հայազգի պրոֆեսոր Արեգ Դանագուլյանը եւ Մասաչուսեթսի տեխնոլոգիական ինստիտուտից (MIT) նրա գործընկերները Սպառազինությունների վերահսկողության ասոցիացիայի (Arms Control Association) կազմակերպած ամենամյա մրցույթի շրջանակում ճանաչվել են տարվա անհատներ (2019 Arms Control Persons):

Ասոցիացիան առցանց հարցում է անցկացրել, որին մասնակցել են ավելի քան 100 երկրի ներկայացուցիչ:

Դանագուլյանը եւ նրա թիմը անվանակարգի են ներկայացվել նեյտրոնային փնջերի օգտագործմամբ միջուկային սպառազինության ստուգման նոր ինովացիոն պրոցեսի մշակման իրենց աշխատանքի համար:

Այս տարի մյուս հավակնորդների թվում էին Ֆրանսիայի նախագահ Էմանուել Մակրոնը, Շվեդիայի ԱԳ նախարարը, ԱՄՆ կոնգրեսականներ եւ սենատորներ: