ԱՄՆ կառավարության Արդյունավետության դեպարտամենտի (DOGE) ղեկավար, ձեռնարկատեր Իլոն Մասկը ցանկանում է լքել իր աշխատանքը ԱՄՆ կառավարությունում, քանի որ հոգնել է «ձախ ուժերի հարձակումներից», գրում է Washington Post-ը՝ հղում անելով անանուն աղբյուրին։
«Մասկը ցանկանում է հեռանալ, քանի որ հոգնել է «ձախերի կողմից տհաճ և ոչ էթիկական հարձակումների հոսքից»», – ասվում է թերթի հրապարակման մեջ։
Ինչպես նշվում է, Մասկի՝ կառավարության հատուկ աշխատակցի կարգավիճակը լրանում է այս տարվա մայիսին, և դեռ հստակ հայտնի չէ՝ կերկարացվի՞ արդյոք այդ ժամկետը։