Մարդիկ մոռանում են, որ ես հայուհի եմ, եւ այդ սովորույթը Հայաստանում ընդունված է. Քիմ Քարդաշյան

Հեռուստաաստղ Քիմ Քարդաշյանն անդրադարձել է «թխամորթ բնակչության մշակույթի յուրացման» համար իր հասցեին հնչող մեղադրանքներին։ 

«i-D Magazine» ամսագրին տված հարցազրույցում նա ասել է, որ իրեն քննադատել են սանրվածքի, մասնավորապես՝ հյուսքերի համար։  

«Անկեղծ ասած՝ երբեմն դա անում եմ դստերս համար, քանի որ նա խնդրում է նույնանման սանրվածքներ անել: Ես նաև ուզում եմ՝ դուստրս զգա, որ կարող ենք միեւնույն սանրվածքն անել»,- ասել է Քիմն ու հավելել, որ երբեք միտումնավոր չէր փորձի այդ կերպ յուրացնել որեւէ մշակույթ:

Հեռուստաաստղը նաև նշել է, որ Հայաստանում հյուսքեր անելու սովորույթ կա: «Մարդիկ մոռանում են, որ ես հայուհի եմ»,- ասել է Քիմը: Ըստ էության՝ Քարդաշյանը սրանով եւս մեկ անգամ ընդգծել է հայկական արմատներ ունենալը: