Մարտի 1-ի օրերին ՊԲ ստորաբաժանումների զինվորականներ են եղել Երևանում. Արցախի նախկին վարչապետ

Արցախի Հանրապետության նախկին վարչապետ, Արցախի «Ազատ Հայրենիք» կուսակցության նախագահ Արայիկ Հարությունյանն անդրադարձավ 2008 թ. մարտի 1-ի իրադարձությունների ժամանակ Երևանում Պաշտպանության բանակի զինվորների ներկայության մասին տեղեկություններին,-դեկտեմբերի 11-ին տեղի ունեցած մամուլի ասուլիսի ընթացքում Հարությունյանը նշեց, որ այդ օրերին ՊԲ ստորաբաժանումներից ընտրված զինվորականներ են եղել Երևանում:

«Արցախից զորք չի բերվել… Պաշտպանության բանակի ստորաբաժանումներից ընտրված զինվորականներ եղել են Երևանում»,- ասաց Հարությունյանը: