«Մեզ մեղադրում են, իբր Թուրքիայի հետ համաձայնեցված է այդ տարածաշրջանի բաժանումը». Լավրովը՝ Լեռնային Ղարաբաղի մասին

Ռուսաստանի արտգործնախարար Սերգեյ Լավրովը կարծիք է հայտնել, որ Արևմուտքը Ռուսաստանին մեղադրելու համար կարող է դեռ շատ առիթներ հորինել՝ այլ պետությունների գործերին միջամտելու մեղադրանքների համար: Այս մասին տեղեկացնում է «ՌԻԱ Նովոստի» գործակալությունը:

«Վերջերս մեզ մեղադրում էին Բելառուսում, Լեռնային Ղարաբաղում միջամտելու մեջ՝ բացառապես Արևմուտքի դեմ մեր աշխարհաքաղաքական դիրքերն ամրապնդելու համար, իբր Թուրքիայի հետ համաձայնեցված է այդ տարածաշրջանի բաժանումը, միայն թե Արևմուտքն այնտեղ չհզորացնի իր դիրքերը:

Սա այն վերլուծաբանների տրամաբանությունն ու հոգեբանությունն է, ովքեր այժմ գերակշռում են Եվրոպայում և ԱՄՆ-ում, հատկապես Բրիտանական կղզիներում», — ասել է նախարարը RT-ին տված հարցազրույցում: