«Մեզ տուն ուղարկեք». հայ գերին դիմել է Բաքվի դատարանին

Վլադիմիր Հակոբյանը, որին ադրբեջանցի զինվորականները գերի են վերցրել պատերազմից հետո, Բաքվի դատարանին խնդրել է իրենց բոլորին տուն վերադարձնել։ Տեղեկությունը հայտնում են ադրբեջանական լրատվամիջոցները:

Այսօր կայացած նիստի ժամանակ դատավորը հարցրել է` նրանք որևէ միջնորդություն ունե՞ն գործի վերաբերյալ, Վլադիմիր Հակոբյանն ի պատասխան ասել է. «Խնդրում եմ, մեզ տուն ուղարկեք»։

Նշենք, որ մեղադրյալի աթոռին նստած են Խծաբերդում գերեվարված հայ զինծառայողները, որոնց ահաբեկչության, սահմանն ապօրինի հատելու մեղադրանքներ են ներկայացվել: Հայ գերիներին 14-20 տարվա ազատազրկում է սպառնում։