Մեծ Բրիտանիայի թագուհին ընտանեկան խորհուրդ է հրավիրել։ 

Մեծ Բրիտանիայի թագուհի՝ Եղիսաբեթ II-ը ընտանեկան խորհուրդ է հրավիրել։

Այս մասին հայտնում է SkyNews-ը։Հեռուստաալիքի տեղեկատվության համաձայն՝ հունվարի 13-ին Սենդրինգեմ տոհմական կալվածքում, բացի թագուհուց, ներկա կլինեն Ուելսի արքայազն Չարլզը եւ Քեմբրիջի դուքս Ուիլյամը (արքայազն Հարիի հայրն ու եղբայրը), ինչպես նաեւ ինքը՝ Հարրին: Խորհրդում նախատեսվում է քննարկել Հարրիի եւ նրա կնոջ՝ Մեգան Մարքլի որոշումը, ըստ որի նրանք հրաժարվել են թագավորական ընտանիքի ավագ անդամների կոչումից:

Մարքլը նախկինում լքել էր Մեծ Բրիտանիան։ Նա մեկնել է 8 ամսական որդու՝ Արչի Հարիսոնի մոտ, որը մի քանի օր գտնվել է դայակի հսկողության տակ։  Հարրին մնացել է «առաջացած ճգնաժամը լուծելու» համար։Հիշեցնենք, որ հունվարի 8-ին արքայազն Հարրին եւ Մեգան Մարքլը Instagram-ում հայտարարել են, որ հրաժարվում են թագավորական ընտանիքի անդամների կոչումից: Զույգը նշել է, որ ծրագրում է դառնալ ֆինանսապես անկախ, սակայն կշարունակի աջակցել թագուհուն։ Սասեքսի դուքսն ու դքսուհին պատրաստվում են ապրել, ե՛ւ Մեծ Բրիտանիայում, ե՛ւ ԱՄՆ-ում։