Միշտ ասել եմ ու ասում եմ` ես Շուշի կմտնեմ. Սասուն Միքայելյան

ԵԿՄ նախագահ Սասուն Միքայելյանը, այսօր լրագրողների հետ զրույցում անդրադառնալով իր արտահայտած այն մտքին, թե հնարավոր է՝ լինի նոր պատերազմ, ասաց.

«Մենք այսօր հզոր չենք թե՛ բանակով, թե՛ ներքին կայունությամբ, թե՛ տնտեսությամբ: Դա քաղաքական խնդիր է, որ լուծում է վարչապետը, բայց ես, որպես ԵԿՄ ղեկավար, պետք է պատրաստ լինեմ պատերազմի,- ասաց Միքայելյանը։ Նրա խոսքով՝ միշտ էլ պատերազմի վտանգ կա:

Միքայելյանի խոսքով՝ մեր հիմնական խնդիրը գալիս է նրանից, որ մենք 25-30 տարվա ընթացքում չկարողացանք մեր ազգին համերաշխության մթնոլորտ բերելել՝ իրար սիրելու, հարգելու: «Ցավոք, հոկտեմբերի 27-ից հետո ամեն ինչը գնաց ուրիշ ճանապարհով, և այս տարաձայնությունները, կուսակցական խաղեր, կուսակցական ղեկավարներն իրենց անձնական շահերը վեր դասեցին պետական շահերից ու մեր ժողովրդի ձեռք բերածից»:

Խոսելով Շուշիի գրավման և ադրբեջանցիների կողմից Շուշիում թունել կառուցելու մասին՝ ԵԿՄ նախագահն ասաց. «Միշտ ասել եմ ու ասում եմ՝ ես Շուշի կմտնեմ։ Շուշիի թունելն էլ մեզ համար են կառուցում, ոչինչ, կվերցնենք»,- ընդգծեց ԵԿՄ ղեկավարը: