Մոսկվայի փողային անսամբլի անմոռանալի համերգը՝ Գառնիում

Օգոստոսի 13-ին՝ ժամը 19։00-ին, <<Moscow Classic Ensemble>> հրավիրում է հարգարժան հյուրերին «Գառնի» պատմամշակութային տաճարում կայնալիք յուրօրինակ բարեգործական համերգին: Մոսկվայի փողային անսամբլի մասնակցությամբ համերգի ծրագրում կհնչեն Ա․ Խաչատրյանի, Ա․ Բաբաջանյանի, Կ․Դեբյուսսի, Ի․ Ֆ․ Ստրավինսկու, Է․ Գրիգի ստեղծագործությունները ։ Ներկաների համար միջոցառման հանդիսավոր բացումը կպարգևի անմոռանալի պահեր՝ անսամբլի կատարմամբ կհնչի Արամա Խաչատրյանի հայտնի <<Սուսերով պարը>> յուրատիպ գործիքավորմամբ՝ բուգի վուգի ոճով Միջոցառման ընթացքում կցուցադրվեն Արցախից տեղահանված մեր հայրենակիցների ձեռքի աշխատանքները։ Ցուցադրության ընթացքում կլինի նաև ցուցահանդես-վաճառք ,որը ո՛չ միայն հնարավորորություն կտա մասնակիցներին վաստակելու իրենց աշխատանքների արդյունքները, այլ նաեւ խթան կհանդիսանա նրանց էլ ավելի ներգրավմանն ներկայիս հետպատերազմյան կյանքին։ Միջոցառման կազմակերպիչները ՝<<Moscow Classic Ensemble>> «Երեխաները ցանկանում են նվագել» խորագիրը կրող բարեգործական համերգից ստացված հասույթով նախատեսում են նաև երաժշտական գործիքներ ձեռք բերել Հադրութից և Շուշիից տեղահանված ու Հայաստանի տարբեր մարզերում և քաղաքներում բնակվող այն երեխաների համար, ովքեր ուսանել են Արցախի Հանրապետության երաժշտական դպրոցներում և հիմա ունեն երաժշտական գործիքների կարիք ։

Համերգի տոմսերը կարող եք ձեռք բերել այստեղից