Մոսկվայում ձերբակալել են «Իսլամական պետություն» ահաբեկչական խմբի 5 անդամների

Ռուսաստանի իրավապահները այսօր Մոսկվայում ձերբակալել են «Իսլամական պետություն» ահաբեկչական խմբի 5 անդամների, որոնք «մտադրվել էին դիվերսիոն-ահաբեկչական գործողություններ» կատարել Ռուսաստանի մայրաքաղաքում։ Այս մասին հայտնում է ռուսական մամուլը։

Ձերբակալվածներից երկուսը եղել են Ռուսաստանի քաղաքացիներ, երեքը՝ Կենտրոնական Ասիայից եկածներ։ Նրանց մոտ հայտնաբերվել են կապի միջոցներ ու «Իսլամական պետության» պարագլուխների հանձնարարություններ։

Նրանց պատսպարանում էլ իրավապահները հայտնաբերել են ԱԿ ինքնաձիգներ, «Մակարով» տեսակի ատրճանակ և այլ զենք ու զինամթերք։