Նախագահը Արմենակ Ուրֆանյանին Արցախի հերոսի կոչում շնորհելու միջնորդագիր է ստացել

Արցախի Հանրապետության նախագահ Արայիկ Հարությունյանը Ապրիլյան պատերազմում հերոսաբար զոհված կապիտան Արմենակ Ուրֆանյանին Արցախի հերոսի բարձրագույն կոչում շնորհելու միջնորդագիր է ստացել Պաշտպանության նախարարությունից:

Այս մասին Հարությունյանը գրել է «Ֆեյսբուքի» իր էջում:«Արմենակ Ուրֆանյանի անձնուրաց ու հայրենանվեր պահվածքի մասին ժամանակին բազմաթիվ քննարկումներ են եղել: Նրա հերոսական կերպարն ըստ արժանավույն գնահատելու համար, կարծում եմ, Արցախի Հանրապետության հռչակման տոնի լավագույն որոշումը կլինի: Սիրով և հպարտությամբ կհաստատեմ»,- գրել է նախագահը: