Նոր սկանդալ. Թուրքական սերիալում ցուցադրված քարտեզում Արցախը և Ադրբեջանը Հայաստան են ներկայացվել

Թուրքական ATV-ի «Akıncı» հեռուստասերիալի վերջին սերիայում ցուցադրվել է տարածաշրջանի քարտեզը, որում Արցախի Հանրապետության և Ադրբեջանի Հանրապետության տարածքների վրա գրված է եղել Armenia (Հայաստան):

Այս մասին հայտնում է Ermenihaber-ը:

Միջադեպը, բնականաբար, մեծ աղմուկ է բարձրացրել Թուրքիայում և Ադրբեջանում, լրատվամիջոցները սկանդալը որակել են տեխնիկական լուրջ սխալ։

Չնայած սոցցանցերում հեռուստասերիալի աշխատակազմի հասցեին հնչած սուր քննադատություններին՝ ATV հեռուստաընկերության և հեռուստասերիալի ղեկավարությունը չեն պարզաբանել կատարվածը։