Շմոլ գազով թունավորման դեպքերն ավելացել են

Ամանորյա տոների ժամանակ Երևանի շտապօգնությունը ստացել է օրական մոտ 900 կանչ: Ամենից շատ կանչեր են գրանցվել հունվարի 6-ին՝ 976, դրանցից 220-ը՝ հոսպիտալացման դեպքեր:

Սրտանոթային հիվանդություններ, մրսածություն, վնասվածքներ: Սրանք կանչերի հիմնական պատճառներն են եղել: Սակայն կանչերը, որոնք իրականում չեն վերաբերում շտապօգնությանը, քիչ չեն. 8 օրում միայն 1657 պացիենտ է հոսպիտալացվել՝ բոլոր կանչերի մոտ 25 տոկոսը: Բոլոր մյուսները կարող էին դիմել պոլիկլինիկաներ, որտեղ, ի դեպ, տոների ժամանակ հերթապահություն է սահմանվել:

2019 թվականին Հայաստանում գրանցվել է շմոլ գազով թունավորման 73 դեպք, ինչը 8-ով ավելի է, քան 2018-ին։ Այս մասին լրագրողներին ասել է «Շտապ բժշկական օգնություն» ՓԲԸ տնօրեն Թագուհի Ստեփանյանը։

Թունավորման շատ դեպքեր են գրանցվել 2019 թվականի դեկտեմբերին: