«Շնորհակալ եմ, տղե՛րք». «Սպիտակ արջի» տարեդարձը նշել են Զինվորի տանը

 Աշխարհի եռակի ու Եվրոպայի հնգակի չեմպիոն, օլիմպիական խաղերի բրոնզե, ոսկե և արծաթե մեդալակիր, հունահռոմեական ոճի ըմբշամարտիկ Արթուր Ալեքսանյանը հյուրընկալվել է Հայրենիքի պաշտպանի վերականգնողական կենտրոնում։ Մարզիկը Instagram-ի իր էջում լուսանկար է հրապարակել և նշել, որ Զինվորի տուն է այցելել ԵՊԲՀ ռեկտոր Արմեն Մուրադյանի և կենտրոնում վերականգնվող զինվորների հրավերով։«Պետք է նշեմ, որ ստացածս բազմաթիվ շնորհավորանքների մեջ ինձ համար ամենակարևոր և հուզիչ շնորհավորանքն էր: Շնորհակալ եմ, տղե՛րք: Փառք ու պատիվ ձեզ»,- լուսանկարին կից գրել է Ալեքսանյանը։Գրառումից, լուսանկարում երևացող տորթից ու շամպայնից կարելի է դատել, որ Զինվորի տանը նշել են ըմբշամարտիկի 30-ամյակը՝ թեկուզ մի քանի օր ուշացումով։Նշենք, որ Արթուր Ալեքսանյանի ծննդյան օրը հոկտեմբերի 21-ին է։ Նա ծնվել է 1991 թվականին Գյումրիում։