Երևանի քաղաքապետ Տիգրան Ավինյանը Երևանում անցկացվելիք տափօղակով հոկեյի IV դիվիզիոնի աշխարհի առաջնության համար հրավիրված մամուլի ասուլիսի ընթացքում լրագրողների հետ զրուցում անդրադարձել է նաև լուրերին, թե ԱՆԻՖ հիմնադրամի գործով իր դեմ կարող է մեղադրանք առաջադրվել։ «Ո՛չ, ո՛չ, ո՛չ։ «ԱՆԻՖ»»-ի հետ կապված իմ վերաբերյալ որևէ իրավական գործընթաց չկա և չի կարող լինել»,- ասել է նա։
Քաղաքապետը խոսել է նաև իր և ՀՀ վարչապետի հարաբերությունների մասին․ հարցին, թե ինչպիսին են այդ հարաբերությունները, վերջինս շեշտել է՝ «Մտերիմ»։
Հավելենք, որ ապրիլի 13-19-ը Երևանում կանցկացվի տափօղակով հոկեյի IV դիվիզիոնի աշխարհի առաջնությունը։
Կանցկացվեն 15 հանդիպումներ, որոնց կմասնակցեն Հայաստանի, Իրանի, Քուվեյթի, Մալայզիայի, Ինդոնեզիայի և Ուզբեկստանի հավաքականները: