Ո՞վ եք դուք, որ ասեք՝ ժեխի դիմաց պետք ա մի կտոր հաց գցես ու ճորտի պես պահես, ո՞վ եք դուք, ի՞նչ եք ուզում այս ժողովրդից

Նախքան քարոզարշավը, իսկ հիմա առավել ևս իրենց ընդդիմադիր համարող երկու ուժերը՝ Քոոչարյանի ու Սերժ Սարգսյանի գլխավորությամբ, հարյուր տոկոսով ցույց են տալիս իրենց իրական դեմքը: Նրանց ու իրենց աջակիցների՝ ռոբասերժական զոմբիների շուրթերից հնչում են ամենավատ բառերը՝ ուղղված հասարակ քաղաքացուն՝ նրան անվանելով բոմժ ու ժեխ: Բա չասես՝ այ ողորմելիներ, ժեխը դուք էիք, որ ծակ շալվարով ու սվիտրով եկաք, բայց դարձաք միլիարդատեր ու հիմա վերևից եք նայում բոլորին:
Ամենևին չարդարացնելով ՀՀ վարչապետ Նիկոլ Փաշինյանի ու թիմի կողմից թույլ տված սխալները, ասում ենք՝ կապիտուլյանտն էլ եք դուք, դավաճանն էլ:
Ո՞վ է ձեզ թույլ տվել առանց մարդկանց մեղքը դատարանով ապացուցելու՝ ինչ որակում ասես տալ:
Այ կապիտուլյանտներ՝ արցախյան առաջին պատերազմը հաղթեցինք, բա հայրենասիրություններդ այդ ժամանակ ու դրան հաջորդող 25 տարիներին ո՞ւր էր, բա սահմաններն ինչո՞ւ չէիք գծել, ինչո՞ւ ծնկի եկած Ադրբեջանին չէիք ստիպել ճանաչել այդ սահմանները:
Այ կեղծ հայրենասերներ՝ ո՞վ պարտքի դիմաց ռուսներին նվիրեց Հայաստանի գույքը: Երևի հիշում եք, որ 2002թ-ին, շուրջ 100 մլն դոլար պարտքի դիմաց Հայաստանը Ռուսաստանին հանձնեց 5 խոշոր ընկերություններ՝ «Մարս» գործարանը, «Հրազդանի» ՋԷԿ-ը և նախկին խորհրդային ռազմաարդյունաբերական համալիրի մեջ մտած 3 գիտահետազոտական ինստիտուտները: Այդ 100 մլն դոլարը ներկայացվեց որպես «ներդրում» Հայաստանի տնտեսությունում:
Ինչքան բիզնեսներ խլեցիք մարդկանց ձեռքից, ինչքան մարդասպանություններ, բռնաբարություններ կատարվեցին նախորդ 30 տարում ձեր ու ձեր թիմակիցների կողմից, բացահայտեցի՞ք:
Ո՞վ եք դուք, որ խոսեք Հայաստանի ապագայից, ո՞վ եք դուք, որ ասեք՝ այդ ժեխի դիմաց պետք ա մի կտոր հաց գցես ու ճորտի պես պահես, ո՞վ եք դուք, ի՞նչ եք ուզում այս ժողովրդից, այ անհայրենիքներ: Ազատություն տեսած թռչնին անհնար է փակել վանդակում, ձեր ոչ ու փուչ ուղեղներում տեղավորեք ի վերջո:
Հուսանք՝ առաջիկայում ձեր կողմից ահ ու սարսափի մեջ ապրող ու վճարվող քննիչներն ու դատավորները ինքնուրույն կհեռանան այդ համակարգից, կառավարությունում տեղ գտած կեղծ հայրենասերները՝ ևս: Թողեք, թող երկրը զարգանա, թողեք՝ նոր քաղաքական ուժեր ի հայտ գան ու գնանք առաջ: Ավետիք Սիմոնյան, 73 տարեկան