«Մենք ի՞նչ, պետք է բոլորին գնդակահարենք՝ ինչպես Ռոմանովների ընտանիքը»
Պուտինի դուստր Ելիզավետա Կրիվոնոգիխը (նաև Ռուդնովա, նաև Լուիզա Ռոզովա) այժմ ապրում է Փարիզում։ Նա աշխատում է մի պատկերասրահում, որտեղ ցուցադրվում են հակապատերազմական արվեստի գործեր։ «Անպատասխանատու եմ համարում լռել այդ մասին»,-ասում է նա։
2024 թվականի հունիսի 4-ին Ֆրանսիայում բնակվող գրող և բանաստեղծ Նաստյա Ռոդիոնովան Facebook-ում հրապարակեց, որ Փարիզի L Galerie-ում որպես մենեջեր աշխատում է Ելիզավետա Կրիվոնոգիխը՝ Վլադիմիր Պուտինի և «Ռուսաստան» բանկի բաժնետեր Սվետլանա Կրիվոնոգիխի դուստրը։ Այս պատկերասրահում, այլ գործերի թվում, ցուցադրվում են ռուս և ուկրաինացի հակապատերազմական նկարիչների ստեղծագործություններ։ Հաղորդում է «Радио Медуза»-ն։
Աղջնակն այժմ ապրում է Ֆրանսիայում, 2020 թվականին ընդունվել է Փարիզի մշակույթի և արվեստի կառավարման մասնավոր դպրոց ICART։
Ֆրանսիայում բնակվող գրող և բանաստեղծ Նաստյա Ռոդիոնովան, ով աղնակի մասին ինֆորմացիան է հանրայնացրել, «Մեդուզային» ասել է, որ որոշել է հրապարակել գրառում Ռուդնովայի և նրա աշխատանքի վայրի մասին, քանի որ Փարիզի նկարիչները «պետք է իմանան այդ մասին և կայացնեն իրենց ընտրությունը՝ ցուցադրվե՞լ L Galerie-ում, թե՞ ոչ»։
L Galerie-ի առաջին նախագծերից մեկը եղել է Կիևի նկարիչ Պինխաս (Պավել) Ֆիշելի «Essor» ցուցահանդեսը, ով Ուկրաինայից հեռացել է լայնամասշտաբ ռազմական գործողությունների սկզբում։ L Galerie-ում ցուցադրվել են նաև պատերազմի պատճառով Ռուսաստանից հեռացած նկարիչների գործեր։
Արվեստի աճուրդի հիմնադիր Աննա Կուզկոն, որի հետ համագործակցում է Lʼassociation-ը, «Մեդուզային» ասել է, որ Ռուդնովան դիմել է SMM-մենեջերի պաշտոնի համար։ «Ակնհայտ է, որ մարդը, որը ցանկանում է աշխատել մասնավոր աճուրդի տանը որպես մենեջեր, միլիարդերների դուստր չէ»,-ասել է Կուզկոն։
Lʼassociation-ի տնօրեն Դմիտրի Դոլինսկին նույնպես էթիկական հակասություններ չի տեսնում Ռուդնովայի՝ իր պատկերասրահում աշխատելու փաստում։ Նրա խոսքով՝ Ռուդնովան «արդեն մի քանի տարի է, ինչ Ռուսաստանում չի ապրում», և ոչ մի նկարիչ չի կասկածել, որ նա «ինչ-որ կերպ աջակցում է Ռուսաստանի պետության քաղաքականությանը կամ պատերազմին»։
Ի դեպ, շատերը աղջնակի և Պուտնի արտաքին տեսքի միջև նմանություններ են գտել։