Ո՞րն է ամենատաք մոլորակը

Իսկ Դուք գիտե՞ք, որ Մերկուրի(Փայլածու) մոլորակը ամենամոտ մոլորակն է Արեգակին, սակայն ոչ ամենատաքը: Ամենատաք մոլորակը Վեներան է՝ շնորհիվ իր շուրջ առկա մթնոլորտի, որն առաջացնում է ջերմոցային էֆեկտ՝ մոլորակի վրա: Մերկուրի մոլորակի համար օրն ավելի երկար է, քան տարին.Մոլորակի մեկ լրիվ պտույնտն իր առանցքի շուրջը տևում է 175 երկրային օր, այնինչ Արեգակի շուրջ պտույտը տևում է 88 երկրային օր:

Մերկուրին նման է Լուսնին՝ նրա մակերևույթը ծածկված է բազմաթիվ խառնարաններով, կան նաև հարթ տարածքներ։ Այն չունի բնական արբանյակ և զգալի մթնոլորտ, սակայն ի տարբերություն Լուսնի՝ Մերկուրին ունի մեծ երկաթյա միջուկ, որը ստեղծում է մագնիսական դաշտ:

Մերկուրիի խառնարանները հիմնականում ստանցել են հայտնի մարդկանց անվանումներ (երաժիշտներ, գրողներ, պոետներ, փիլիսոփաներ, լուսանկարիչներ, գեղանկարիչներ) ։ Օրինակ՝ Շեքսպիր, Բարմա, Բելինսկի, Գլինկա, Գոգոլ, Մուսորգսկի, Պուշկին և այլն։

Մոլորակի մակերեսի ջերմաստիճանն օրվա ընթացքում կարող է հասնել +430°, իսկ գիշերային ժամերին հասնել -180° ըստ Ցելսիուսի սանդղակի:

Մերկուրիի վրա չկան տարվա եղանակների փոփոխություններ, ինչպես Երկրի վրա է։ Սա տեղի է ունենում այն պատճառով, որ մոլորակի պտույտի առանցքը գտնվում է պտույտի հարթության նկատմամբ ուղղահայաց դիրքում։ Որպես հետևանք, բևեռներին մոտ կան շրջաններ, որոնց արեգակնային ճառագայթները չեն հասնում երբեք։ Արեսիբո աստղադիտարանի ռադիո-աստղադիտակով կատարված հետազոտությունները թույլ են տալիս ենթադրել, որ այս մութ և սառը տարածքում կան սառցադաշտեր։