Ո՞րն է եղել Մարադոնայի մահվան պատճառը․նոր մանրամասներ

Արգենտինական ֆուտբոլի լեգենդ Դիեգո Մարադոնայի արյան մեջ բժշկական հետազոտությունների արդյունքում հոգեմետ դեղեր են հայտնաբերվել: Բժիշկների կարծիքով՝ Մարադոնայի ընդունած հոգեմետ դեղերի պատճառով նրա մոտ առաջացել է առիթմիա, որի պատճառով էլ վրա է հասել մահը:

Հիշեցնենք, որ Մարադոնան մահացել էր նոյեմբերի 25-ին՝ 60 տարեկան հասակում։ Մարադոնան նոյեմբերի 2-ին վիրահատության էր ենթարկվել ուղեղի արյունազեղման հետևանքով: Նա դուրս էր գրվել հիվանդանոցից նոյեմբերի 10-ին։ Նրա փաստաբանը հայտարարել էր, որ մահից առաջ Մարադոնան 12 ժամ դուրս է եղել բուժհսկողությունից, իսկ շտապօգնությունը կանչից կես ժամ հետո է հասել տեղ։