Որևէ փաստաթուղթ չի ստորագրվել. Սուրեն Պապիկյան

Այս պահին որևէ փաստաթուղթ չի ստորագրվել: Եղել է աշխատանքային փաստաթուղթ, որի մասին Ազգային ժողովի ամբիոնից խոսվել է: Անդրադառնալով հայ-ադրբեջանական սահմանի ներկայիս իրավիճակին ու դրա շուրջ առկա քննարկումներին, Գյումրիում լրագրողներին ասաց ՀՀ Տարածքային կառավարման և ենթակառուցվածքների նախարարի պաշտոնակատար Սուրեն Պապիկյանը:

«Վարչապետն էլ ԱԺ ամբիոնից դրա մասին մանրամասն խոսել է, այս պահին կրկին ասում եմ,  որևէ փաստաթուղթ առկա չէ, այսինքն ցանկացած առաջարկ, որ կարող է հնչել 3-րդ երկրի կողմից, միջնորդ երկրի կողմից, բնականաբար դա թղթային տարբերակով և պետք է մեզ գա, և գնա հակառակ կողմին:

Եվ այդ պրոցեսը չի ենթադրում, թե եթե թուղթն եկել է էդ տեսքով, ապա դա ընդունելի է մեզ էդ տեսքով: Սա աշխատանքային պրոցես է, ուղղակի մենք փորձում ենք ամեն ինչի մեջ տեսնել ավելի վատը, քան իրականությունն է:

Մենք պատրաստ ենք ամեն ինչ մասին խոսել բաց, սահմանների դելիմիտացիայի, դեմարկացիայի մասին նույնպես ԱԺ ամբիոնից Նիկոլ Փաշինյանը խոսել է, այսինքն չկա նոր բան, որ ես հիմա կարող եմ ասել, եթե կլինի նոր հարց ու իրավիճակ, ապա պատրաստ ենք այդ մասին ևս խոսել ու պարզաբանել: