Ուկրաինական ևս երկու քաղաք կանցնի Ռուսաստանին․Սաակաշվիլիի կանխատեսումը

Վրաստանի նախկին նախագահ, Օդեսայի շրջանի նախկին նահանգապետ Միխեիլ Սահակաշվիլին ուկրաինական հեռուստաալիքի եթերում ասել է, որ ընդդիմադիր հեռուստաալիքների փակումից հետո երկրին սպառնում է որոշ տարածքների կորուստ: Հիշեցնենք, որ ավելի վաղ Վլադիմիր Զելենսկին արգելել էր  NewsOne, ZIK և 112 Ուկրաինա հեռուստաալիքների հեռարձակումը:

Սահակաշվիլին ընդգծել է, որ այդ գործողությունները չեն օգնի լուծելու Դոնբասում առկա հակամարտությունը: Ավելին, դրանք կհանգեցնեն նոր փուլի: «Նրանք ավելի շատ են կրակելու, եկեք մեզ չխաբենք», – ասել է Վրաստանի նախկին նախագահը:

Սահակաշվիլին հավելել է, որ Մարիուպոլ և Խերսոն քաղաքները կդառնան ռուսական: Պատճառը պարզ է. Ռուսաստանին նրանք անհրաժեշտ են կամուրջ ստեղծելու և Ղիմը ջրով ապահովելու համար: