Ուկրաինայի ՆԳ նախարար հայազգի Ավակովը հրաժարական է տվել

Յոթ տարի Ուկրաինայի ներքին գործերի նախարարի պաշտոնը զբաղեցնելուց հետո հայազգի Արսեն Ավակովը հրաժարականի դիմում է ներկայացրել, գրում է Vesti.ua-ն՝ վկայակոչելով «Ժողովրդի ծառա» խմբակցության աղբյուրին:

Գերագույն Ռադան Ավակովի աշխատանքից ազատվելու դիմումը կքննարկի հուլիսի 15-ին:

Վերջերս, հունիսի 4-ին լրատվամիջոցները հրապարակեցին Ուկրաինայի Ազգային անվտանգության և պաշտպանության խորհրդի քարտուղար Ալեքսեյ Դանիլովի հայտարարությունը, որում նշվում էր, որ տարեսկզբին Ուկրաինայի քրեական հեղինակությունները՝ 34 մարդ, լքել են հանրապետությունը և այսօր հանրապետությունում օրենքով գողեր չկան: Դանիլովն այդ գործում կարևորել է հատկապես ՆԳ նախարար Ավակովի աշխատանքը: