Ուկրաինան Թուրքիայից ստացել է «Բայրաքթար ՏԲ2»-ի առաջին խմբաքանակը

Թուրքական «Բայրաքթար ՏԲ2» հարվածային անօդաչուների առաջին խմբաքանակը առաքվել է Ուկրաինա, հաղորդում է liga.net կայքը՝ հղում անելով Ուկրաինայի ՊՆ մամուլի ծառայությանը:

Պաշտպանության նախարարությունը հաղորդել է, որ բազայում անցկացվում են համալիրի ընդունման վերջնական թեստերը:

«Բայրաքթար»-ը կօգտագործվի Սև և Ազովի ծովերի ափերն ու ջրերը հսկելու և պաշտպանելու համար, ինչպես նաև հարվածելու թշնամու թիրախներին ջրում և ցամաքում:

Ադրբեջանը այս անօդաչու թռչող սարքերը զանգվածաբար օգտագործել է 2020 թվականին՝ Լեռնային Ղարաբաղի պատերազմի ժամանակ:

Ավելի վաղ Ռուսաստանի արտգործնախարար Լավրովը «զգուշացրել էր» Թուրքիային Կիևին այդ անօդաչու թռչող սարքերի վաճառքի համար: Անկարան պատասխանել էր, որ վաճառքը կատարվել է Թուրքիայի և Ուկրաինայի միջև առևտրային հարաբերությունների շրջանակներում: Բացի այդ, Թուրքիան հիշեցրել է Մոսկվային, որ Ռուսաստանն էլ հրթիռներ է վաճառում Սիրիային: