Ու Մոսկվայում, ես վստահ եմ, գնահատեցին մեր այս վճռականությունը

Պատմաբան, իրավագետ Մհեր Հակոբյանը ֆեյսբուքի իր էջում գրել է․ Պաշտոնական Մոսկվան ԱԿՆԱՐԿԻ մակարդակով հերթական անգամ ստուգեց մեր ամրությունը և մեր ռազմաքաղաքական ղեկավարությունը արժանի պատասխան տվեց այդ ակնարկին: Հստակորեն ասվեց, որ, մեր լավ բարեկամ և հարգելի եղբայր, մենք քեզ շատ ենք հարգում, մենք քեզ սիրում ենք, մենք միմյանց հետ անցած ուղի ունենք ու դեռ էլի ենք անցնելու միասնական ուղի, ԲԱՅՑ – դուք ինձնից մի պահանջեք մի բան, որը մեզ մահվան դուռը կհասցնի: Սա անչափ դժվար, բայց միաժամանակ նաև ծայրահեղ ճիշտ մի որոշում էր, որը մենք բարեբախտաբար այնքան ուժ ունեցանք, որ ընդունենք: Ու Մոսկվայում, ես վստահ եմ, գնահատեցին մեր այս վճռականությունը:Ես 39 տարեկան եմ և անչափ սիրում եմ կյանքը: Չկա մի նորմալ մարդ, որ չսիրի կյանքը և սա բնական է: Ես, սակայն, ինքս իմ մեջ որոշել եմ, որ, եթե ինձ վիճակված է իմ կյանքի 40-րդ տարեդարձը չտեսնել, ուրեմն այդպես պետք է լինի և այդպես ճիշտ է: Չեչենն ինձնից ՀԱՍՏԱՏ լավ տղա չի, որ իր երկրի համար կանգնեց ու անհույս, անհավասար կռվում քյալլա տվեց, կռիվ տվեց ու ստիպեց իրեն հարգել: Կրկնեմ՝ ոչ մի չեչեն ինձնից լավ տղա ՉԻ և, հաստատ, ով էլ այս տողերը որ կարդում է, վստահ եմ, կարող է կրկնել այս խոսքերը՝ տղա թե աղջիկ:Մենք այլընտրանք չունենք, մենք պետք է կռվենք: Առաջարկը, որ հանձնենք 5 շրջանները, հետո քննարկենք երկուսի ճակատագիրը, տանք Ղարաբաղը և հետո նոր միայն խոսենք Ադրբեջանի ԿԱԶՄՈՒՄ Արցախի ճակատագրի մասին, այդ առաջարկը, դա ԴԱՆԴԱՂ, բայց ՀԱՍՏԱՏ մահ է: Ես պատրաստ չեմ անհույս, դանդաղ մահին, ես ուզում եմ կռվել՝ կռվել լի հույսով առ հաղթանակ և առ ԿՅԱՆՔ՝ նույնիսկ եթե դա ԻՄ ԿՅԱՆՔԸ չլինի, այլ լինի իմ մտերիմների և հարազատների կյանքը: Ու ասեմ, ռուսերեն մի գեղեցիկ խոսք կա՝ береженого бог бережет, ես այս խոսքը շատ եմ սիրում: Մենք, եթե դրան հասնի, ԿՏԱՆՔ մեր կռիվը, ես պատրաստ եմ իմ 40-րդ տարեդարձը չտեսնել, բայց մենք ԿՏԱՆՔ այդ կռիվը ու մենք կհաղթենք, քանզի կռիվ տվողին են հարգում՝ աշխարհն այս պահին նայում է ՀԱՅ ՏՂԱՄԱՐԴԿԱՆՑ երեսին ու նրանց դեմքի արտահայտությունն է փորձում հասկանալ: Ու մենք պատվով կտանենք այս փորձություն, մենք աշխարհին պատվով ցույց կտանք, թե ով է հայը, և մենք ԿՀԱՂԹԵՆՔ:Այս կապակցությամբ ասեմ նաև՝ մեր շանսերն ամենևին էլ վատ չեն և մենք ամենևին էլ անհույս կռվի մեջ չէ, որ մտնում ենք, սա ասում եմ ԱՄԵՆԱՅՆ ՊԱՏԱՍԽԱՆԱՏՎՈՒԹՅԱՄԲ, ես վստահ եմ դրանում: Գուցե մեզնից ոմանք ընկնեն, գուցե այդ մարդկանց մեջ նաև ես լինեմ, բայց մենք հաղթելու ենք, քանի որ մեր գործն արդար է, Ալիևի բռնապետական ռեժիմը ներքին ճաքեր է տալիս, իսկ նույն Ալիևն ու Էրդողանն էլ իրենց պահում են իսկական խուլիգանների պես՝ միջազգային խուլիգանների պես: Եվ, եթե մենք ամուր դիմացանք, իրենք են ընկնելու, ՎՍՏԱՀ ԵՄ:Արդ՝ պինդ լինենք, հոգում պատրաստվենք ծանր փորձությունների, բայց ԵՐԲԵՔ, լսում եք, ԵՐԲԵՔ չկասկածենք, որ ՄԵՆՔ ՀԱՂԹԵԼՈՒ ԵՆՔ: Այն ժողովուրդը, ժողովուրդը, որը տրամադրված է այս կերպ, նույնիսկ տեսականորեն ՉԻ ԿԱՐՈՂ պարտվել:Սենց բաներ, տղերք ու աղջկերք, ես իմ ընտրությունն արել եմ, թող ձեզնից ամեն մեկն ինքն իր ընտրությունն անի…

Դիրքերը պահել ենք: Ճակատներից մեկում թշնամին ՀՍԿԱՅԱԿԱՆ ու հատկապես ԿԵՆԴԱՆԻ ՈՒԺԻ ծանրագույն կորուստներ է կրել, սա իմացեք,…

Опубликовано Mher Hakobyan Среда, 14 октября 2020 г.