Ապրիլի 19-ին հայտնի դարձավ, որ երկու ընկերություններ՝ Huawei-ն և China Unicom-ը, միավորել են ուժերը և կարողացել են Չինաստանում գործարկել 10G արագությամբ լայնաշերտ ցանց: Այս մասին տեղեկացնում է Mydrivers պորտալը՝ հղում կատարելով Huawei-ի հայտարարությանը: «10G լայնաշերտ կապի տեղակայումը հիմնված է աշխարհում առաջատար 50G PON տեխնոլոգիայի վրա»,-նշվում է հաղորդագրությունում: Նշված է, որ բեռնման իրական չափված արագությունը կազմել է 9834 Մբիթ/վ, իսկ ուղարկման արագությունը՝ 1008 Մբիթ/վ: Միևնույն ժամանակ, հապաղումը կայուն պահպանվել է 3 մվ մակարդակում: Ընկերությունը վստահ է, որ նման զարգացումները հեղափոխություն կանեն մարդկանց կյանքում: Ըստ նրանց, սա կազդի նաև ապագա բարձր արագություն պահանջող հավելվածների և ծառայությունների զարգացման վրա, ինչպիսին է 8K վիդեոն: Հայտնում են, որ թեստավորման ընթացքում ցանցն աշխատել է կայուն, նույնիսկ մի քանի սմարթ-սարքերի միաժամանակյա օգտագործման պայմաններում։